మత్సి నో వస్యऽష్టయ ఇన్ద్రమ్ ఇన్దో వృషా విశ |
ఋఘాయమాణ ఇన్వసి శత్రుమ్ అన్తి న విన్దసి || 1-176-01
తస్మిన్న్ ఆ వేశయా గిరో య ఏకశ్ చర్షణీనామ్ |
అను స్వధా యమ్ ఉప్యతే యవం న చర్కృషద్ వృషా || 1-176-02
యస్య విశ్వాని హస్తయోః పఞ్చ క్షితీనాం వసు |
స్పాశయస్వ యో అస్మధ్రుగ్ దివ్యేవాశనిర్ జహి || 1-176-03
అసున్వన్తం సమం జహి దూణాశం యో న తే మయః |
అస్మభ్యమ్ అస్య వేదనం దద్ధి సూరిశ్ చిద్ ఓహతే || 1-176-04
ఆవో యస్య ద్విబర్హసో ऽర్కేషు సానుషగ్ అసత్ |
ఆజావ్ ఇన్ద్రస్యేన్దో ప్రావో వాజేషు వాజినమ్ || 1-176-05
యథా పూర్వేభ్యో జరితృభ్య ఇన్ద్ర మయ ఇవాపో న తృష్యతే బభూథ |
తామ్ అను త్వా నివిదం జోహవీమి విద్యామేషం వృజనం జీరదానుమ్ || 1-176-06
