ప్రతి వ ఏనా నమసాహమ్ ఏమి సూక్తేన భిక్షే సుమతిం తురాణామ్ |
రరాణతా మరుతో వేద్యాభిర్ ని హేళో ధత్త వి ముచధ్వమ్ అశ్వాన్ || 1-171-01
ఏష వ స్తోమో మరుతో నమస్వాన్ హృదా తష్టో మనసా ధాయి దేవాః |
ఉపేమ్ ఆ యాత మనసా జుషాణా యూయం హి ష్ఠా నమస ఇద్ వృధాసః || 1-171-02
స్తుతాసో నో మరుతో మృళయన్తూత స్తుతో మఘవా శమ్భవిష్ఠః |
ఊర్ధ్వా నః సన్తు కోమ్యా వనాన్య్ అహాని విశ్వా మరుతో జిగీషా || 1-171-03
అస్మాద్ అహం తవిషాద్ ఈషమాణ ఇన్ద్రాద్ భియా మరుతో రేజమానః |
యుష్మభ్యం హవ్యా నిశితాన్య్ ఆసన్ తాన్య్ ఆరే చకృమా మృళతా నః || 1-171-04
యేన మానాసశ్ చితయన్త ఉస్రా వ్యుష్టిషు శవసా శశ్వతీనామ్ |
స నో మరుద్భిర్ వృషభ శ్రవో ధా ఉగ్ర ఉగ్రేభి స్థవిరః సహోదాః || 1-171-05
త్వమ్ పాహీన్ద్ర సహీయసో నౄన్ భవా మరుద్భిర్ అవయాతహేళాః |
సుప్రకేతేభిః సాసహిర్ దధానో విద్యామేషం వృజనం జీరదానుమ్ || 1-171-06
