న నూనమ్ అస్తి నో శ్వః కస్ తద్ వేద యద్ అద్భుతమ్ |
అన్యస్య చిత్తమ్ అభి సంచరేణ్యమ్ ఉతాధీతం వి నశ్యతి || 1-170-01
కిం న ఇన్ద్ర జిఘాంససి భ్రాతరో మరుతస్ తవ |
తేభిః కల్పస్వ సాధుయా మా నః సమరణే వధీః || 1-170-02
కిం నో భ్రాతర్ అగస్త్య సఖా సన్న్ అతి మన్యసే |
విద్మా హి తే యథా మనో ऽస్మభ్యమ్ ఇన్ న దిత్ససి || 1-170-03
అరం కృణ్వన్తు వేదిం సమ్ అగ్నిమ్ ఇన్ధతామ్ పురః |
తత్రామృతస్య చేతనం యజ్ఞం తే తనవావహై || 1-170-04
త్వమ్ ఈశిషే వసుపతే వసూనాం త్వమ్ మిత్రాణామ్ మిత్రపతే ధేష్ఠః |
ఇన్ద్ర త్వమ్ మరుద్భిః సం వదస్వాధ ప్రాశాన ఋతుథా హవీంషి || 1-170-05
