వసూ రుద్రా పురుమన్తూ వృధన్తా దశస్యతం నో వృషణావ్ అభిష్టౌ |
దస్రా హ యద్ రేక్ణ ఔచథ్యో వామ్ ప్ర యత్ సస్రాథే అకవాభిర్ ఊతీ || 1-158-01
కో వాం దాశత్ సుమతయే చిద్ అస్యై వసూ యద్ ధేథే నమసా పదే గోః |
జిగృతమ్ అస్మే రేవతీః పురంధీః కామప్రేణేవ మనసా చరన్తా || 1-158-02
యుక్తో హ యద్ వాం తౌగ్ర్యాయ పేరుర్ వి మధ్యే అర్ణసో ధాయి పజ్రః |
ఉప వామ్ అవః శరణం గమేయం శూరో నాజ్మ పతయద్భిర్ ఏవైః || 1-158-03
ఉపస్తుతిర్ ఔచథ్యమ్ ఉరుష్యేన్ మా మామ్ ఇమే పతత్రిణీ వి దుగ్ధామ్ |
మా మామ్ ఏధో దశతయశ్ చితో ధాక్ ప్ర యద్ వామ్ బద్ధస్ త్మని ఖాదతి క్షామ్ || 1-158-04
న మా గరన్ నద్యో మాతృతమా దాసా యద్ ఈం సుసముబ్ధమ్ అవాధుః |
శిరో యద్ అస్య త్రైతనో వితక్షత్ స్వయం దాస ఉరో అంసావ్ అపి గ్ధ || 1-158-05
దీర్ఘతమా మామతేయో జుజుర్వాన్ దశమే యుగే |
అపామ్ అర్థం యతీనామ్ బ్రహ్మా భవతి సారథిః || 1-158-06
