మిత్రం న యం శిమ్యా గోషు గవ్యవః స్వాధ్యో విదథే అప్సు జీజనన్ |
అరేజేతాం రోదసీ పాజసా గిరా ప్రతి ప్రియం యజతం జనుషామ్ అవః || 1-151-01
యద్ ధ త్యద్ వామ్ పురుమీళ్హస్య సోమినః ప్ర మిత్రాసో న దధిరే స్వాభువః |
అధ క్రతుం విదతం గాతుమ్ అర్చత ఉత శ్రుతం వృషణా పస్త్యావతః || 1-151-02
ఆ వామ్ భూషన్ క్షితయో జన్మ రోదస్యోః ప్రవాచ్యం వృషణా దక్షసే మహే |
యద్ ఈమ్ ఋతాయ భరథో యద్ అర్వతే ప్ర హోత్రయా శిమ్యా వీథో అధ్వరమ్ || 1-151-03
ప్ర సా క్షితిర్ అసుర యా మహి ప్రియ ఋతావానావ్ ఋతమ్ ఆ ఘోషథో బృహత్ |
యువం దివో బృహతో దక్షమ్ ఆభువం గాం న ధుర్య్ ఉప యుఞ్జాథే అపః || 1-151-04
మహీ అత్ర మహినా వారమ్ ఋణ్వథో ऽరేణవస్ తుజ ఆ సద్మన్ ధేనవః |
స్వరన్తి తా ఉపరతాతి సూర్యమ్ ఆ నిమ్రుచ ఉషసస్ తక్వవీర్ ఇవ || 1-151-05
ఆ వామ్ ఋతాయ కేశినీర్ అనూషత మిత్ర యత్ర వరుణ గాతుమ్ అర్చథః |
అవ త్మనా సృజతమ్ పిన్వతం ధియో యువం విప్రస్య మన్మనామ్ ఇరజ్యథః || 1-151-06
యో వాం యజ్ఞైః శశమానో హ దాశతి కవిర్ హోతా యజతి మన్మసాధనః |
ఉపాహ తం గచ్ఛథో వీథో అధ్వరమ్ అచ్ఛా గిరః సుమతిం గన్తమ్ అస్మయూ || 1-151-07
యువాం యజ్ఞైః ప్రథమా గోభిర్ అఞ్జత ఋతావానా మనసో న ప్రయుక్తిషు |
భరన్తి వామ్ మన్మనా సంయతా గిరో ऽదృప్యతా మనసా రేవద్ ఆశాథే || 1-151-08
రేవద్ వయో దధాథే రేవద్ ఆశాథే నరా మాయాభిర్ ఇతౌతి మాహినమ్ |
న వాం ద్యావో ऽహభిర్ నోత సిన్ధవో న దేవత్వమ్ పణయో నానశుర్ మఘమ్ || 1-151-09
