ఋగ్వేదము - మండలము 1 - సూక్తము 149
| ←ముందరి అధ్యాయము | ఋగ్వేదము (ఋగ్వేదము - మండలము 1 - సూక్తము 149) | తరువాతి అధ్యాయము→ |
| దేవత : , చంధస్సు : |
| ఋగ్వేదము | |||||||||||||
|---|---|---|---|---|---|---|---|---|---|---|---|---|---|
| |||||||||||||
మహః స రాయ ఏషతే పతిర్ దన్న్ ఇన ఇనస్య వసునః పద ఆ |
ఉప ధ్రజన్తమ్ అద్రయో విధన్న్ ఇత్ || 1-149-01
స యో వృషా నరాం న రోదస్యోః శ్రవోభిర్ అస్తి జీవపీతసర్గః |
ప్ర యః సస్రాణః శిశ్రీత యోనౌ || 1-149-02
ఆ యః పురం నార్మిణీమ్ అదీదేద్ అత్యః కవిర్ నభన్యో నార్వా |
సూరో న రురుక్వాఞ్ ఛతాత్మా || 1-149-03
అభి ద్విజన్మా త్రీ రోచనాని విశ్వా రజాంసి శుశుచానో అస్థాత్ |
హోతా యజిష్ఠో అపాం సధస్థే || 1-149-04
అయం స హోతా యో ద్విజన్మా విశ్వా దధే వార్యాణి శ్రవస్యా |
మర్తో యో అస్మై సుతుకో దదాశ || 1-149-05