వేదిషదే ప్రియధామాయ సుద్యుతే ధాసిమ్ ఇవ ప్ర భరా యోనిమ్ అగ్నయే |
వస్త్రేణేవ వాసయా మన్మనా శుచిం జ్యోతీరథం శుక్రవర్ణం తమోహనమ్ || 1-140-01
అభి ద్విజన్మా త్రివృద్ అన్నమ్ ఋజ్యతే సంవత్సరే వావృధే జగ్ధమ్ ఈ పునః |
అన్యస్యాసా జిహ్వయా జేన్యో వృషా న్య్ అన్యేన వనినో మృష్ట వారణః || 1-140-02
కృష్ణప్రుతౌ వేవిజే అస్య సక్షితా ఉభా తరేతే అభి మాతరా శిశుమ్ |
ప్రాచాజిహ్వం ధ్వసయన్తం తృషుచ్యుతమ్ ఆ సాచ్యం కుపయం వర్ధనమ్ పితుః || 1-140-03
ముముక్ష్వో మనవే మానవస్యతే రఘుద్రువః కృష్ణసీతాస ఊ జువః |
అసమనా అజిరాసో రఘుష్యదో వాతజూతా ఉప యుజ్యన్త ఆశవః || 1-140-04
ఆద్ అస్య తే ధ్వసయన్తో వృథేరతే కృష్ణమ్ అభ్వమ్ మహి వర్పః కరిక్రతః |
యత్ సీమ్ మహీమ్ అవనిమ్ ప్రాభి మర్మృశద్ అభిశ్వసన్ స్తనయన్న్ ఏతి నానదత్ || 1-140-05
భూషన్ న యో ऽధి బభ్రూషు నమ్నతే వృషేవ పత్నీర్ అభ్య్ ఏతి రోరువత్ |
ఓజాయమానస్ తన్వశ్ చ శుమ్భతే భీమో న శృఙ్గా దవిధావ దుర్గృభిః || 1-140-06
స సంస్తిరో విష్టిరః సం గృభాయతి జానన్న్ ఏవ జానతీర్ నిత్య ఆ శయే |
పునర్ వర్ధన్తే అపి యన్తి దేవ్యమ్ అన్యద్ వర్పః పిత్రోః కృణ్వతే సచా || 1-140-07
తమ్ అగ్రువః కేశినీః సం హి రేభిర ఊర్ధ్వాస్ తస్థుర్ మమ్రుషీః ప్రాయవే పునః |
తాసాం జరామ్ ప్రముఞ్చన్న్ ఏతి నానదద్ అసుమ్ పరం జనయఞ్ జీవమ్ అస్తృతమ్ || 1-140-08
అధీవాసమ్ పరి మాతూ రిహన్న్ అహ తువిగ్రేభిః సత్వభిర్ యాతి వి జ్రయః |
వయో దధత్ పద్వతే రేరిహత్ సదాను శ్యేనీ సచతే వర్తనీర్ అహ || 1-140-09
అస్మాకమ్ అగ్నే మఘవత్సు దీదిహ్య్ అధ శ్వసీవాన్ వృషభో దమూనాః |
అవాస్యా శిశుమతీర్ అదీదేర్ వర్మేవ యుత్సు పరిజర్భురాణః || 1-140-10
ఇదమ్ అగ్నే సుధితం దుర్ధితాద్ అధి ప్రియాద్ ఉ చిన్ మన్మనః ప్రేయో అస్తు తే |
యత్ తే శుక్రం తన్వో రోచతే శుచి తేనాస్మభ్యం వనసే రత్నమ్ ఆ త్వమ్ || 1-140-11
రథాయ నావమ్ ఉత నో గృహాయ నిత్యారిత్రామ్ పద్వతీం రాస్య్ అగ్నే |
అస్మాకం వీరాఉత నో మఘోనో జనాంశ్ చ యా పారయాచ్ ఛర్మ యా చ || 1-140-12
అభీ నో అగ్న ఉక్థమ్ ఇజ్ జుగుర్యా ద్యావాక్షామా సిన్ధవశ్ చ స్వగూర్తాః |
గవ్యం యవ్యం యన్తో దీర్ఘాహేషం వరమ్ అరుణ్యో వరన్త || 1-140-13
