ఐభిర్ అగ్నే దువో గిరో విశ్వేభిః సోమపీతయే |
దేవేభిర్ యాహి యక్షి చ || 1-014-01
ఆ త్వా కణ్వా అహూషత గృణన్తి విప్ర తే ధియః |
దేవేభిర్ అగ్న ఆ గహి || 1-014-02
ఇన్ద్రవాయూ బృహస్పతిమ్ మిత్రాగ్నిమ్ పూషణమ్ భగమ్ |
ఆదిత్యాన్ మారుతం గణమ్ || 1-014-03
ప్ర వో భ్రియన్త ఇన్దవో మత్సరా మాదయిష్ణవః |
ద్రప్సా మధ్వశ్ చమూషదః || 1-014-04
ఈళతే త్వామ్ అవస్యవః కణ్వాసో వృక్తబర్హిషః |
హవిష్మన్తో అరంకృతః || 1-014-05
ఘృతపృష్ఠా మనోయుజో యే త్వా వహన్తి వహ్నయః |
ఆ దేవాన్ సోమపీతయే || 1-014-06
తాన్ యజత్రాఋతావృధో ऽగ్నే పత్నీవతస్ కృధి |
మధ్వః సుజిహ్వ పాయయ || 1-014-07
యే యజత్రా య ఈడ్యాస్ తే తే పిబన్తు జిహ్వయా |
మధోర్ అగ్నే వషట్కృతి || 1-014-08
ఆకీం సూర్యస్య రోచనాద్ విశ్వాన్ దేవాఉషర్బుధః |
విప్రో హోతేహ వక్షతి || 1-014-09
విశ్వేభిః సోమ్యమ్ మధ్వ్ అగ్న ఇన్ద్రేణ వాయునా |
పిబా మిత్రస్య ధామభిః || 1-014-10
త్వం హోతా మనుర్హితో ऽగ్నే యజ్ఞేషు సీదసి |
సేమం నో అధ్వరం యజ || 1-014-11
యుక్ష్వా హ్య్ అరుషీ రథే హరితో దేవ రోహితః |
తాభిర్ దేవాఇహా వహ || 1-014-12
