సుసమిద్ధో న ఆ వహ దేవాఅగ్నే హవిష్మతే |
హోతః పావక యక్షి చ || 1-013-01
మధుమన్తం తనూనపాద్ యజ్ఞం దేవేషు నః కవే |
అద్యా కృణుహి వీతయే || 1-013-02
నరాశంసమ్ ఇహ ప్రియమ్ అస్మిన్ యజ్ఞ ఉప హ్వయే |
మధుజిహ్వం హవిష్కృతమ్ || 1-013-03
అగ్నే సుఖతమే రథే దేవాఈళిత ఆ వహ |
అసి హోతా మనుర్హితః || 1-013-04
స్తృణీత బర్హిర్ ఆనుషగ్ ఘృతపృష్ఠమ్ మనీషిణః |
యత్రామృతస్య చక్షణమ్ || 1-013-05
వి శ్రయన్తామ్ ఋతావృధో ద్వారో దేవీర్ అసశ్చతః |
అద్యా నూనం చ యష్టవే || 1-013-06
నక్తోషాసా సుపేశసాస్మిన్ యజ్ఞ ఉప హ్వయే |
ఇదం నో బర్హిర్ ఆసదే || 1-013-07
తా సుజిహ్వా ఉప హ్వయే హోతారా దైవ్యా కవీ |
యజ్ఞం నో యక్షతామ్ ఇమమ్ || 1-013-08
ఇళా సరస్వతీ మహీ తిస్రో దేవీర్ మయోభువః |
బర్హిః సీదన్త్వ్ అస్రిధః || 1-013-09
ఇహ త్వష్టారమ్ అగ్రియం విశ్వరూపమ్ ఉప హ్వయే |
అస్మాకమ్ అస్తు కేవలః || 1-013-10
అవ సృజా వనస్పతే దేవ దేవేభ్యో హవిః |
ప్ర దాతుర్ అస్తు చేతనమ్ || 1-013-11
స్వాహా యజ్ఞం కృణోతనేన్ద్రాయ యజ్వనో గృహే |
తత్ర దేవాఉప హ్వయే || 1-013-12
