ప్ర-ప్ర పూష్ణస్ తువిజాతస్య శస్యతే మహిత్వమ్ అస్య తవసో న తన్దతే స్తోత్రమ్ అస్య న తన్దతే |
అర్చామి సుమ్నయన్న్ అహమ్ అన్త్యూతిమ్ మయోభువమ్ |
విశ్వస్య యో మన ఆయుయువే మఖో దేవ ఆయుయువే మఖః || 1-138-01
ప్ర హి త్వా పూషన్న్ అజిరం న యామని స్తోమేభిః కృణ్వ ఋణవో యథా మృధ ఉష్ట్రో న పీపరో మృధః |
హువే యత్ త్వా మయోభువం దేవం సఖ్యాయ మర్త్యః |
అస్మాకమ్ ఆఙ్గూషాన్ ద్యుమ్నినస్ కృధి వాజేషు ద్యుమ్నినస్ కృధి || 1-138-02
యస్య తే పూషన్ సఖ్యే విపన్యవః క్రత్వా చిత్ సన్తో ऽవసా బుభుజ్రిర ఇతి క్రత్వా బుభుజ్రిరే |
తామ్ అను త్వా నవీయసీం నియుతం రాయ ఈమహే |
అహేళమాన ఉరుశంస సరీ భవ వాజే-వాజే సరీ భవ || 1-138-03
అస్యా ఊ షు ణ ఉప సాతయే భువో ऽహేళమానో రరివాఅజాశ్వ శ్రవస్యతామ్ అజాశ్వ |
ఓ షు త్వా వవృతీమహి స్తోమేభిర్ దస్మ సాధుభిః |
నహి త్వా పూషన్న్ అతిమన్య ఆఘృణే న తే సఖ్యమ్ అపహ్నువే || 1-138-04
