కద్ ఇత్థా నౄపాత్రం దేవయతాం శ్రవద్ గిరో అఙ్గిరసాం తురణ్యన్ |
ప్ర యద్ ఆనడ్ విశ ఆ హర్మ్యస్యోరు క్రంసతే అధ్వరే యజత్రః || 1-121-01
స్తమ్భీద్ ధ ద్యాం స ధరుణమ్ ప్రుషాయద్ ఋభుర్ వాజాయ ద్రవిణం నరో గోః |
అను స్వజామ్ మహిషశ్ చక్షత వ్రామ్ మేనామ్ అశ్వస్య పరి మాతరం గోః || 1-121-02
నక్షద్ ధవమ్ అరుణీః పూర్వ్యం రాట్ తురో విశామ్ అఙ్గిరసామ్ అను ద్యూన్ |
తక్షద్ వజ్రం నియుతం తస్తమ్భద్ ద్యాం చతుష్పదే నర్యాయ ద్విపాదే || 1-121-03
అస్య మదే స్వర్యం దా ఋతాయాపీవృతమ్ ఉస్రియాణామ్ అనీకమ్ |
యద్ ధ ప్రసర్గే త్రికకుం నివర్తద్ అప ద్రుహో మానుషస్య దురో వః || 1-121-04
తుభ్యమ్ పయో యత్ పితరావ్ అనీతాం రాధః సురేతస్ తురణే భురణ్యూ |
శుచి యత్ తే రేక్ణ ఆయజన్త సబర్దుఘాయాః పయ ఉస్రియాయాః || 1-121-05
అధ ప్ర జజ్ఞే తరణిర్ మమత్తు ప్ర రోచ్య్ అస్యా ఉషసో న సూరః |
ఇన్దుర్ యేభిర్ ఆష్ట స్వేదుహవ్యైః స్రువేణ సిఞ్చఞ్ జరణాభి ధామ || 1-121-06
స్విధ్మా యద్ వనధితిర్ అపస్యాత్ సూరో అధ్వరే పరి రోధనా గోః |
యద్ ధ ప్రభాసి కృత్వ్యాఅను ద్యూన్ అనర్విశే పశ్విషే తురాయ || 1-121-07
అష్టా మహో దివ ఆదో హరీ ఇహ ద్యుమ్నాసాహమ్ అభి యోధాన ఉత్సమ్ |
హరిం యత్ తే మన్దినం దుక్షన్ వృధే గోరభసమ్ అద్రిభిర్ వాతాప్యమ్ || 1-121-08
త్వమ్ ఆయసమ్ ప్రతి వర్తయో గోర్ దివో అశ్మానమ్ ఉపనీతమ్ ఋభ్వా |
కుత్సాయ యత్ర పురుహూత వన్వఞ్ ఛుష్ణమ్ అనన్తైః పరియాసి వధైః || 1-121-09
పురా యత్ సూరస్ తమసో అపీతేస్ తమ్ అద్రివః ఫలిగం హేతిమ్ అస్య |
శుష్ణస్య చిత్ పరిహితం యద్ ఓజో దివస్ పరి సుగ్రథితం తద్ ఆదః || 1-121-10
అను త్వా మహీ పాజసీ అచక్రే ద్యావాక్షామా మదతామ్ ఇన్ద్ర కర్మన్ |
త్వం వృత్రమ్ ఆశయానం సిరాసు మహో వజ్రేణ సిష్వపో వరాహుమ్ || 1-121-11
త్వమ్ ఇన్ద్ర నర్యో యాఅవో నౄన్ తిష్ఠా వాతస్య సుయుజో వహిష్ఠాన్ |
యం తే కావ్య ఉశనా మన్దినం దాద్ వృత్రహణమ్ పార్యం తతక్ష వజ్రమ్ || 1-121-12
త్వం సూరో హరితో రామయో నౄన్ భరచ్ చక్రమ్ ఏతశో నాయమ్ ఇన్ద్ర |
ప్రాస్య పారం నవతిం నావ్యానామ్ అపి కర్తమ్ అవర్తయో ऽయజ్యూన్ || 1-121-13
త్వం నో అస్యా ఇన్ద్ర దుర్హణాయాః పాహి వజ్రివో దురితాద్ అభీకే |
ప్ర నో వాజాన్ రథ్యో అశ్వబుధ్యాన్ ఇషే యన్ధి శ్రవసే సూనృతాయై || 1-121-14
మా సా తే అస్మత్ సుమతిర్ వి దసద్ వాజప్రమహః సమ్ ఇషో వరన్త |
ఆ నో భజ మఘవన్ గోష్వ్ అర్యో మంహిష్ఠాస్ తే సధమాదః స్యామ || 1-121-15
