కా రాధద్ ధోత్రాశ్వినా వాం కో వాం జోష ఉభయోః |
కథా విధాత్య్ అప్రచేతాః || 1-120-01
విద్వాంసావ్ ఇద్ దురః పృచ్ఛేద్ అవిద్వాన్ ఇత్థాపరో అచేతాః |
నూ చిన్ ను మర్తే అక్రౌ || 1-120-02
తా విద్వాంసా హవామహే వాం తా నో విద్వాంసా మన్మ వోచేతమ్ అద్య |
ప్రార్చద్ దయమానో యువాకుః || 1-120-03
వి పృచ్ఛామి పాక్యా న దేవాన్ వషట్కృతస్యాద్భుతస్య దస్రా |
పాతం చ సహ్యసో యువం చ రభ్యసో నః || 1-120-04
ప్ర యా ఘోషే భృగవాణే న శోభే యయా వాచా యజతి పజ్రియో వామ్ |
ప్రైషయుర్ న విద్వాన్ || 1-120-05
శ్రుతం గాయత్రం తకవానస్యాహం చిద్ ధి రిరేభాశ్వినా వామ్ |
ఆక్షీ శుభస్ పతీ దన్ || 1-120-06
యువం హ్య్ ఆస్తమ్ మహో రన్ యువం వా యన్ నిరతతంసతమ్ |
తా నో వసూ సుగోపా స్యాతమ్ పాతం నో వృకాద్ అఘాయోః || 1-120-07
మా కస్మై ధాతమ్ అభ్య్ అమిత్రిణే నో మాకుత్రా నో గృహేభ్యో ధేనవో గుః |
స్తనాభుజో అశిశ్వీః || 1-120-08
దుహీయన్ మిత్రధితయే యువాకు రాయే చ నో మిమీతం వాజవత్యై |
ఇషే చ నో మిమీతం ధేనుమత్యై || 1-120-09
అశ్వినోర్ అసనం రథమ్ అనశ్వం వాజినీవతోః |
తేనాహమ్ భూరి చాకన || 1-120-10
అయం సమహ మా తనూహ్యాతే జనాఅను |
సోమపేయం సుఖో రథః || 1-120-11
అధ స్వప్నస్య నిర్ విదే ऽభుఞ్జతశ్ చ రేవతః |
ఉభా తా బస్రి నశ్యతః || 1-120-12
