నాసత్యాభ్యామ్ బర్హిర్ ఇవ ప్ర వృఞ్జే స్తోమాఇయర్మ్య్ అభ్రియేవ వాతః |
యావ్ అర్భగాయ విమదాయ జాయాం సేనాజువా న్యూహతూ రథేన || 1-116-01
వీళుపత్మభిర్ ఆశుహేమభిర్ వా దేవానాం వా జూతిభిః శాశదానా |
తద్ రాసభో నాసత్యా సహస్రమ్ ఆజా యమస్య ప్రధనే జిగాయ || 1-116-02
తుగ్రో హ భుజ్యుమ్ అశ్వినోదమేఘే రయిం న కశ్ చిన్ మమృవాఅవాహాః |
తమ్ ఊహథుర్ నౌభిర్ ఆత్మన్వతీభిర్ అన్తరిక్షప్రుద్భిర్ అపోదకాభిః || 1-116-03
తిస్రః క్షపస్ త్రిర్ అహాతివ్రజద్భిర్ నాసత్యా భుజ్యుమ్ ఊహథుః పతంగైః |
సముద్రస్య ధన్వన్న్ ఆర్ద్రస్య పారే త్రిభీ రథైః శతపద్భిః షళశ్వైః || 1-116-04
అనారమ్భణే తద్ అవీరయేథామ్ అనాస్థానే అగ్రభణే సముద్రే |
యద్ అశ్వినా ఊహథుర్ భుజ్యుమ్ అస్తం శతారిత్రాం నావమ్ ఆతస్థివాంసమ్ || 1-116-05
యమ్ అశ్వినా దదథుః శ్వేతమ్ అశ్వమ్ అఘాశ్వాయ శశ్వద్ ఇత్ స్వస్తి |
తద్ వాం దాత్రమ్ మహి కీర్తేన్యమ్ భూత్ పైద్వో వాజీ సదమ్ ఇద్ ధవ్యో అర్యః || 1-116-06
యువం నరా స్తువతే పజ్రియాయ కక్షీవతే అరదతమ్ పురంధిమ్ |
కారోతరాచ్ ఛఫాద్ అశ్వస్య వృష్ణః శతం కుమ్భాఅసిఞ్చతం సురాయాః || 1-116-07
హిమేనాగ్నిం ఘ్రంసమ్ అవారయేథామ్ పితుమతీమ్ ఊర్జమ్ అస్మా అధత్తమ్ |
ఋబీసే అత్రిమ్ అశ్వినావనీతమ్ ఉన్ నిన్యథుః సర్వగణం స్వస్తి || 1-116-08
పరావతం నాసత్యానుదేథామ్ ఉచ్చాబుధ్నం చక్రథుర్ జిహ్మబారమ్ |
క్షరన్న్ ఆపో న పాయనాయ రాయే సహస్రాయ తృష్యతే గోతమస్య || 1-116-09
జుజురుషో నాసత్యోత వవ్రిమ్ ప్రాముఞ్చతం ద్రాపిమ్ ఇవ చ్యవానాత్ |
ప్రాతిరతం జహితస్యాయుర్ దస్రాద్ ఇత్ పతిమ్ అకృణుతం కనీనామ్ || 1-116-10
తద్ వాం నరా శంస్యం రాధ్యం చాభిష్టిమన్ నాసత్యా వరూథమ్ |
యద్ విద్వాంసా నిధిమ్ ఇవాపగూళ్హమ్ ఉద్ దర్శతాద్ ఊపథుర్ వన్దనాయ || 1-116-11
తద్ వాం నరా సనయే దంస ఉగ్రమ్ ఆవిష్ కృణోమి తన్యతుర్ న వృష్టిమ్ |
దధ్యఙ్ హ యన్ మధ్వ్ ఆథర్వణో వామ్ అశ్వస్య శీర్ష్ణా ప్ర యద్ ఈమ్ ఉవాచ || 1-116-12
అజోహవీన్ నాసత్యా కరా వామ్ మహే యామన్ పురుభుజా పురంధిః |
శ్రుతం తచ్ ఛాసుర్ ఇవ వధ్రిమత్యా హిరణ్యహస్తమ్ అశ్వినావ్ అదత్తమ్ || 1-116-13
ఆస్నో వృకస్య వర్తికామ్ అభీకే యువం నరా నాసత్యాముముక్తమ్ |
ఉతో కవిమ్ పురుభుజా యువం హ కృపమాణమ్ అకృణుతం విచక్షే || 1-116-14
చరిత్రం హి వేర్ ఇవాచ్ఛేది పర్ణమ్ ఆజా ఖేలస్య పరితక్మ్యాయామ్ |
సద్యో జఙ్ఘామ్ ఆయసీం విశ్పలాయై ధనే హితే సర్తవే ప్రత్య్ అధత్తమ్ || 1-116-15
శతమ్ మేషాన్ వృక్యే చక్షదానమ్ ఋజ్రాశ్వం తమ్ పితాన్ధం చకార |
తస్మా అక్షీ నాసత్యా విచక్ష ఆధత్తం దస్రా భిషజావ్ అనర్వన్ || 1-116-16
ఆ వాం రథం దుహితా సూర్యస్య కార్ష్మేవాతిష్ఠద్ అర్వతా జయన్తీ |
విశ్వే దేవా అన్వ్ అమన్యన్త హృద్భిః సమ్ ఉ శ్రియా నాసత్యా సచేథే || 1-116-17
యద్ అయాతం దివోదాసాయ వర్తిర్ భరద్వాజాయాశ్వినా హయన్తా |
రేవద్ ఉవాహ సచనో రథో వాం వృషభశ్ చ శింశుమారశ్ చ యుక్తా || 1-116-18
రయిం సుక్షత్రం స్వపత్యమ్ ఆయుః సువీర్యం నాసత్యా వహన్తా |
ఆ జహ్నావీం సమనసోప వాజైస్ త్రిర్ అహ్నో భాగం దధతీమ్ అయాతమ్ || 1-116-19
పరివిష్టం జాహుషం విశ్వతః సీం సుగేభిర్ నక్తమ్ ఊహథూ రజోభిః |
విభిన్దునా నాసత్యా రథేన వి పర్వతాఅజరయూ అయాతమ్ || 1-116-20
ఏకస్యా వస్తోర్ ఆవతం రణాయ వశమ్ అశ్వినా సనయే సహస్రా |
నిర్ అహతం దుచ్ఛునా ఇన్ద్రవన్తా పృథుశ్రవసో వృషణావ్ అరాతీః || 1-116-21
శరస్య చిద్ ఆర్చత్కస్యావతాద్ ఆ నీచాద్ ఉచ్చా చక్రథుః పాతవే వాః |
శయవే చిన్ నాసత్యా శచీభిర్ జసురయే స్తర్యమ్ పిప్యథుర్ గామ్ || 1-116-22
అవస్యతే స్తువతే కృష్ణియాయ ఋజూయతే నాసత్యా శచీభిః |
పశుం న నష్టమ్ ఇవ దర్శనాయ విష్ణాప్వం దదథుర్ విశ్వకాయ || 1-116-23
దశ రాత్రీర్ అశివేనా నవ ద్యూన్ అవనద్ధం శ్నథితమ్ అప్స్వ్ అన్తః |
విప్రుతం రేభమ్ ఉదని ప్రవృక్తమ్ ఉన్ నిన్యథుః సోమమ్ ఇవ స్రువేణ || 1-116-24
ప్ర వాం దంసాంస్య్ అశ్వినావ్ అవోచమ్ అస్య పతిః స్యాం సుగవః సువీరః |
ఉత పశ్యన్న్ అశ్నువన్ దీర్ఘమ్ ఆయుర్ అస్తమ్ ఇవేజ్ జరిమాణం జగమ్యామ్ || 1-116-25
