చిత్రం దేవానామ్ ఉద్ అగాద్ అనీకం చక్షుర్ మిత్రస్య వరుణస్యాగ్నేః |
ఆప్రా ద్యావాపృథివీ అన్తరిక్షం సూర్య ఆత్మా జగతస్ తస్థుషశ్ చ || 1-115-01
సూర్యో దేవీమ్ ఉషసం రోచమానామ్ మర్యో న యోషామ్ అభ్య్ ఏతి పశ్చాత్ |
యత్రా నరో దేవయన్తో యుగాని వితన్వతే ప్రతి భద్రాయ భద్రమ్ || 1-115-02
భద్రా అశ్వా హరితః సూర్యస్య చిత్రా ఏతగ్వా అనుమాద్యాసః |
నమస్యన్తో దివ ఆ పృష్ఠమ్ అస్థుః పరి ద్యావాపృథివీ యన్తి సద్యః || 1-115-03
తత్ సూర్యస్య దేవత్వం తన్ మహిత్వమ్ మధ్యా కర్తోర్ వితతం సం జభార |
యదేద్ అయుక్త హరితః సధస్థాద్ ఆద్ రాత్రీ వాసస్ తనుతే సిమస్మై || 1-115-04
తన్ మిత్రస్య వరుణస్యాభిచక్షే సూర్యో రూపం కృణుతే ద్యోర్ ఉపస్థే |
అనన్తమ్ అన్యద్ రుశద్ అస్య పాజః కృష్ణమ్ అన్యద్ ధరితః సమ్ భరన్తి || 1-115-05
అద్యా దేవా ఉదితా సూర్యస్య నిర్ అంహసః పిపృతా నిర్ అవద్యాత్ |
తన్ నో మిత్రో వరుణో మామహన్తామ్ అదితిః సిన్ధుః పృథివీ ఉత ద్యౌః || 1-115-06
