ఇన్ద్రమ్ మిత్రం వరుణమ్ అగ్నిమ్ ఊతయే మారుతం శర్ధో అదితిం హవామహే |
రథం న దుర్గాద్ వసవః సుదానవో విశ్వస్మాన్ నో అంహసో నిష్ పిపర్తన || 1-106-01
త ఆదిత్యా ఆ గతా సర్వతాతయే భూత దేవా వృత్రతూర్యేషు శమ్భువః |
రథం న దుర్గాద్ వసవః సుదానవో విశ్వస్మాన్ నో అంహసో నిష్ పిపర్తన || 1-106-02
అవన్తు నః పితరః సుప్రవాచనా ఉత దేవీ దేవపుత్రే ఋతావృధా |
రథం న దుర్గాద్ వసవః సుదానవో విశ్వస్మాన్ నో అంహసో నిష్ పిపర్తన || 1-106-03
నరాశంసం వాజినం వాజయన్న్ ఇహ క్షయద్వీరమ్ పూషణం సుమ్నైర్ ఈమహే |
రథం న దుర్గాద్ వసవః సుదానవో విశ్వస్మాన్ నో అంహసో నిష్ పిపర్తన || 1-106-04
బృహస్పతే సదమ్ ఇన్ నః సుగం కృధి శం యోర్ యత్ తే మనుర్హితం తద్ ఈమహే |
రథం న దుర్గాద్ వసవః సుదానవో విశ్వస్మాన్ నో అంహసో నిష్ పిపర్తన || 1-106-05
ఇన్ద్రం కుత్సో వృత్రహణం శచీపతిం కాటే నిబాళ్హ ఋషిర్ అహ్వద్ ఊతయే |
రథం న దుర్గాద్ వసవః సుదానవో విశ్వస్మాన్ నో అంహసో నిష్ పిపర్తన || 1-106-06
దేవైర్ నో దేవ్య్ అదితిర్ ని పాతు దేవస్ త్రాతా త్రాయతామ్ అప్రయుచ్ఛన్ |
తన్ నో మిత్రో వరుణో మామహన్తామ్ అదితిః సిన్ధుః పృథివీ ఉత ద్యౌః || 1-106-07
