ప్ర కేతునా బృహతా యాత్య్ అగ్నిర్ ఆ రోదసీ వృషభో రోరవీతి |
దివశ్ చిద్ అన్తాఉపమాఉద్ ఆనళ్ అపామ్ ఉపస్థే మహిషో వవర్ధ || 10-008-01
ముమోద గర్భో వృషభః కకుద్మాన్ అస్రేమా వత్సః శిమీవాఅరావీత్ |
స దేవతాత్య్ ఉద్యతాని కృణ్వన్ స్వేషు క్షయేషు ప్రథమో జిగాతి || 10-008-02
ఆ యో మూర్ధానమ్ పిత్రోర్ అరబ్ధ న్య్ అధ్వరే దధిరే సూరో అర్ణః |
అస్య పత్మన్న్ అరుషీర్ అశ్వబుధ్నా ఋతస్య యోనౌ తన్వో జుషన్త || 10-008-03
ఉష-ఉషో హి వసో అగ్రమ్ ఏషి త్వం యమయోర్ అభవో విభావా |
ఋతాయ సప్త దధిషే పదాని జనయన్ మిత్రం తన్వే స్వాయై || 10-008-04
భువశ్ చక్షుర్ మహ ఋతస్య గోపా భువో వరుణో యద్ ఋతాయ వేషి |
భువో అపాం నపాజ్ జాతవేదో భువో దూతో యస్య హవ్యం జుజోషః || 10-008-05
భువో యజ్ఞస్య రజసశ్ చ నేతా యత్రా నియుద్భిః సచసే శివాభిః |
దివి మూర్ధానం దధిషే స్వర్షాం జిహ్వామ్ అగ్నే చకృషే హవ్యవాహమ్ || 10-008-06
అస్య త్రితః క్రతునా వవ్రే అన్తర్ ఇచ్ఛన్ ధీతిమ్ పితుర్ ఏవైః పరస్య |
సచస్యమానః పిత్రోర్ ఉపస్థే జామి బ్రువాణ ఆయుధాని వేతి || 10-008-07
స పిత్ర్యాణ్య్ ఆయుధాని విద్వాన్ ఇన్ద్రేషిత ఆప్త్యో అభ్య్ అయుధ్యత్ |
త్రిశీర్షాణం సప్తరశ్మిం జఘన్వాన్ త్వాష్ట్రస్య చిన్ నిః ససృజే త్రితో గాః || 10-008-08
భూరీద్ ఇన్ద్ర ఉదినక్షన్తమ్ ఓజో ऽవాభినత్ సత్పతిర్ మన్యమానమ్ |
త్వాష్ట్రస్య చిద్ విశ్వరూపస్య గోనామ్ ఆచక్రాణస్ త్రీణి శీర్షా పరా వర్క్ || 10-008-09
