అపశ్యమ్ అస్య మహతో మహిత్వమ్ అమర్త్యస్య మర్త్యాసు విక్షు |
నానా హనూ విభృతే సమ్ భరేతే అసిన్వతీ బప్సతీ భూర్య్ అత్తః || 10-079-01
గుహా శిరో నిహితమ్ ఋధగ్ అక్షీ అసిన్వన్న్ అత్తి జిహ్వయా వనాని |
అత్రాణ్య్ అస్మై పడ్భిః సమ్ భరన్త్య్ ఉత్తానహస్తా నమసాధి విక్షు || 10-079-02
ప్ర మాతుః ప్రతరం గుహ్యమ్ ఇచ్ఛన్ కుమారో న వీరుధః సర్పద్ ఉర్వీః |
ససం న పక్వమ్ అవిదచ్ ఛుచన్తం రిరిహ్వాంసం రిప ఉపస్థే అన్తః || 10-079-03
తద్ వామ్ ఋతం రోదసీ ప్ర బ్రవీమి జాయమానో మాతరా గర్భో అత్తి |
నాహం దేవస్య మర్త్యశ్ చికేతాగ్నిర్ అఙ్గ విచేతాః స ప్రచేతాః || 10-079-04
యో అస్మా అన్నం తృష్వ్ ఆదధాత్య్ ఆజ్యైర్ ఘృతైర్ జుహోతి పుష్యతి |
తస్మై సహస్రమ్ అక్షభిర్ వి చక్షే ऽగ్నే విశ్వతః ప్రత్యఙ్ఙ్ అసి త్వమ్ || 10-079-05
కిం దేవేషు త్యజ ఏనశ్ చకర్థాగ్నే పృచ్ఛామి ను త్వామ్ అవిద్వాన్ |
అక్రీళన్ క్రీళన్ హరిర్ అత్తవే ऽదన్ వి పర్వశశ్ చకర్త గామ్ ఇవాసిః || 10-079-06
విషూచో అశ్వాన్ యుయుజే వనేజా ఋజీతిభీ రశనాభిర్ గృభీతాన్ |
చక్షదే మిత్రో వసుభిః సుజాతః సమ్ ఆనృధే పర్వభిర్ వావృధానః || 10-079-07
