విప్రాసో న మన్మభిః స్వాధ్యో దేవావ్యో న యజ్ఞైః స్వప్నసః |
రాజానో న చిత్రాః సుసందృశః క్షితీనాం న మర్యా అరేపసః || 10-078-01
అగ్నిర్ న యే భ్రాజసా రుక్మవక్షసో వాతాసో న స్వయుజః సద్యౌతయః |
ప్రజ్ఞాతారో న జ్యేష్ఠాః సునీతయః సుశర్మాణో న సోమా ఋతం యతే || 10-078-02
వాతాసో న యే ధునయో జిగత్నవో ऽగ్నీనాం న జిహ్వా విరోకిణః |
వర్మణ్వన్తో న యోధాః శిమీవన్తః పితౄణాం న శంసాః సురాతయః || 10-078-03
రథానాం న యే ऽరాః సనాభయో జిగీవాంసో న శూరా అభిద్యవః |
వరేయవో న మర్యా ఘృతప్రుషో ऽభిస్వర్తారో అర్కం న సుష్టుభః || 10-078-04
అశ్వాసో న యే జ్యేష్ఠాస ఆశవో దిధిషవో న రథ్యః సుదానవః |
ఆపో న నిమ్నైర్ ఉదభిర్ జిగత్నవో విశ్వరూపా అఙ్గిరసో న సామభిః || 10-078-05
గ్రావాణో న సూరయః సిన్ధుమాతర ఆదర్దిరాసో అద్రయో న విశ్వహా |
శిశూలా న క్రీళయః సుమాతరో మహాగ్రామో న యామన్న్ ఉత త్విషా || 10-078-06
ఉషసాం న కేతవో ऽధ్వరశ్రియః శుభంయవో నాఞ్జిభిర్ వ్య్ అశ్వితన్ |
సిన్ధవో న యయియో భ్రాజదృష్టయః పరావతో న యోజనాని మమిరే || 10-078-07
సుభాగాన్ నో దేవాః కృణుతా సురత్నాన్ అస్మాన్ స్తోతౄన్ మరుతో వావృధానాః |
అధి స్తోత్రస్య సఖ్యస్య గాత సనాద్ ధి వో రత్నధేయాని సన్తి || 10-078-08