వసూనాం వా చర్కృష ఇయక్షన్ ధియా వా యజ్ఞైర్ వా రోదస్యోః |
అర్వన్తో వా యే రయిమన్తః సాతౌ వనుం వా యే సుశ్రుణం సుశ్రుతో ధుః || 10-074-01
హవ ఏషామ్ అసురో నక్షత ద్యాం శ్రవస్యతా మనసా నింసత క్షామ్ |
చక్షాణా యత్ర సువితాయ దేవా ద్యౌర్ న వారేభిః కృణవన్త స్వైః || 10-074-02
ఇయమ్ ఏషామ్ అమృతానాం గీః సర్వతాతా యే కృపణన్త రత్నమ్ |
ధియం చ యజ్ఞం చ సాధన్తస్ తే నో ధాన్తు వసవ్యమ్ అసామి || 10-074-03
ఆ తత్ త ఇన్ద్రాయవః పనన్తాభి య ఊర్వం గోమన్తం తితృత్సాన్ |
సకృత్స్వం యే పురుపుత్రామ్ మహీం సహస్రధారామ్ బృహతీం దుదుక్షన్ || 10-074-04
శచీవ ఇన్ద్రమ్ అవసే కృణుధ్వమ్ అనానతం దమయన్తమ్ పృతన్యూన్ |
ఋభుక్షణమ్ మఘవానం సువృక్తిమ్ భర్తా యో వజ్రం నర్యమ్ పురుక్షుః || 10-074-05
యద్ వావాన పురుతమమ్ పురాషాళ్ ఆ వృత్రహేన్ద్రో నామాన్య్ అప్రాః |
అచేతి ప్రాసహస్ పతిస్ తువిష్మాన్ యద్ ఈమ్ ఉశ్మసి కర్తవే కరత్ తత్ || 10-074-06
