విశ్వే దేవాః శాస్తన మా యథేహ హోతా వృతో మనవై యన్ నిషద్య |
ప్ర మే బ్రూత భాగధేయం యథా వో యేన పథా హవ్యమ్ ఆ వో వహాని || 10-052-01
అహం హోతా న్య్ అసీదం యజీయాన్ విశ్వే దేవా మరుతో మా జునన్తి |
అహర్-అహర్ అశ్వినాధ్వర్యవం వామ్ బ్రహ్మా సమిద్ భవతి సాహుతిర్ వామ్ || 10-052-02
అయం యో హోతా కిర్ ఉ స యమస్య కమ్ అప్య్ ఊహే యత్ సమఞ్జన్తి దేవాః |
అహర్-అహర్ జాయతే మాసి-మాస్య్ అథా దేవా దధిరే హవ్యవాహమ్ || 10-052-03
మాం దేవా దధిరే హవ్యవాహమ్ అపమ్లుక్తమ్ బహు కృచ్ఛ్రా చరన్తమ్ |
అగ్నిర్ విద్వాన్ యజ్ఞం నః కల్పయాతి పఞ్చయామం త్రివృతం సప్తతన్తుమ్ || 10-052-04
ఆ వో యక్ష్య్ అమృతత్వం సువీరం యథా వో దేవా వరివః కరాణి |
ఆ బాహ్వోర్ వజ్రమ్ ఇన్ద్రస్య ధేయామ్ అథేమా విశ్వాః పృతనా జయాతి || 10-052-05
త్రీణి శతా త్రీ సహస్రాణ్య్ అగ్నిం త్రింశచ్ చ దేవా నవ చాసపర్యన్ |
ఔక్షన్ ఘృతైర్ అస్తృణన్ బర్హిర్ అస్మా ఆద్ ఇద్ ధోతారం న్య్ అసాదయన్త || 10-052-06
