ప్ర మా యుయుజ్రే ప్రయుజో జనానాం వహామి స్మ పూషణమ్ అన్తరేణ |
విశ్వే దేవాసో అధ మామ్ అరక్షన్ దుఃశాసుర్ ఆగాద్ ఇతి ఘోష ఆసీత్ || 10-033-01
సమ్ మా తపన్త్య్ అభితః సపత్నీర్ ఇవ పర్శవః |
ని బాధతే అమతిర్ నగ్నతా జసుర్ వేర్ న వేవీయతే మతిః || 10-033-02
మూషో న శిశ్నా వ్య్ అదన్తి మాధ్య స్తోతారం తే శతక్రతో |
సకృత్ సు నో మఘవన్న్ ఇన్ద్ర మృళయాధా పితేవ నో భవ || 10-033-03
కురుశ్రవణమ్ ఆవృణి రాజానం త్రాసదస్యవమ్ |
మంహిష్ఠం వాఘతామ్ ఋషిః || 10-033-04
యస్య మా హరితో రథే తిస్రో వహన్తి సాధుయా |
స్తవై సహస్రదక్షిణే || 10-033-05
యస్య ప్రస్వాదసో గిర ఉపమశ్రవసః పితుః |
క్షేత్రం న రణ్వమ్ ఊచుషే || 10-033-06
అధి పుత్రోపమశ్రవో నపాన్ మిత్రాతిథేర్ ఇహి |
పితుష్ టే అస్మి వన్దితా || 10-033-07
యద్ ఈశీయామృతానామ్ ఉత వా మర్త్యానామ్ |
జీవేద్ ఇన్ మఘవా మమ || 10-033-08
న దేవానామ్ అతి వ్రతం శతాత్మా చన జీవతి |
తథా యుజా వి వావృతే || 10-033-09
