ప్ర సు గ్మన్తా ధియసానస్య సక్షణి వరేభిర్ వరాఅభి షు ప్రసీదతః |
అస్మాకమ్ ఇన్ద్ర ఉభయం జుజోషతి యత్ సోమ్యస్యాన్ధసో బుబోధతి || 10-032-01
వీన్ద్ర యాసి దివ్యాని రోచనా వి పార్థివాని రజసా పురుష్టుత |
యే త్వా వహన్తి ముహుర్ అధ్వరాఉప తే సు వన్వన్తు వగ్వనాఅరాధసః || 10-032-02
తద్ ఇన్ మే ఛన్త్సద్ వపుషో వపుష్టరమ్ పుత్రో యజ్ జానమ్ పిత్రోర్ అధీయతి |
జాయా పతిం వహతి వగ్నునా సుమత్ పుంస ఇద్ భద్రో వహతుః పరిష్కృతః || 10-032-03
తద్ ఇత్ సధస్థమ్ అభి చారు దీధయ గావో యచ్ ఛాసన్ వహతుం న ధేనవః |
మాతా యన్ మన్తుర్ యూథస్య పూర్వ్యాభి వాణస్య సప్తధాతుర్ ఇజ్ జనః || 10-032-04
ప్ర వో ऽచ్ఛా రిరిచే దేవయుష్ పదమ్ ఏకో రుద్రేభిర్ యాతి తుర్వణిః |
జరా వా యేష్వ్ అమృతేషు దావనే పరి వ ఊమేభ్యః సిఞ్చతా మధు || 10-032-05
నిధీయమానమ్ అపగూళ్హమ్ అప్సు ప్ర మే దేవానాం వ్రతపా ఉవాచ |
ఇన్ద్రో విద్వాఅను హి త్వా చచక్ష తేనాహమ్ అగ్నే అనుశిష్ట ఆగామ్ || 10-032-06
అక్షేత్రవిత్ క్షేత్రవిదం హ్య్ అప్రాట్ స ప్రైతి క్షేత్రవిదానుశిష్టః |
ఏతద్ వై భద్రమ్ అనుశాసనస్యోత స్రుతిం విన్దత్య్ అఞ్జసీనామ్ || 10-032-07
అద్యేద్ ఉ ప్రాణీద్ అమమన్న్ ఇమాహాపీవృతో అధయన్ మాతుర్ ఊధః |
ఏమ్ ఏనమ్ ఆప జరిమా యువానమ్ అహేళన్ వసుః సుమనా బభూవ || 10-032-08
ఏతాని భద్రా కలశ క్రియామ కురుశ్రవణ దదతో మఘాని |
దాన ఇద్ వో మఘవానః సో అస్త్వ్ అయం చ సోమో హృది యమ్ బిభర్మి || 10-032-09
