ఇన్ద్ర సోమమ్ ఇమమ్ పిబ మధుమన్తం చమూ సుతమ్ |
అస్మే రయిం ని ధారయ వి వో మదే సహస్రిణమ్ పురూవసో వివక్షసే || 10-024-01
త్వాం యజ్ఞేభిర్ ఉక్థైర్ ఉప హవ్యేభిర్ ఈమహే |
శచీపతే శచీనాం వి వో మదే శ్రేష్ఠం నో ధేహి వార్యం వివక్షసే || 10-024-02
యస్ పతిర్ వార్యాణామ్ అసి రధ్రస్య చోదితా |
ఇన్ద్ర స్తోతౄణామ్ అవితా వి వో మదే ద్విషో నః పాహ్య్ అంహసో వివక్షసే || 10-024-03
యువం శక్రా మాయావినా సమీచీ నిర్ అమన్థతమ్ |
విమదేన యద్ ఈళితా నాసత్యా నిరమన్థతమ్ || 10-024-04
విశ్వే దేవా అకృపన్త సమీచ్యోర్ నిష్పతన్త్యోః |
నాసత్యావ్ అబ్రువన్ దేవాః పునర్ ఆ వహతాద్ ఇతి || 10-024-05
మధుమన్ మే పరాయణమ్ మధుమత్ పునర్ ఆయనమ్ |
తా నో దేవా దేవతయా యువమ్ మధుమతస్ కృతమ్ || 10-024-06
