పిప్రీహి దేవాఉశతో యవిష్ఠ విద్వాఋతూఋతుపతే యజేహ |
యే దైవ్యా ఋత్విజస్ తేభిర్ అగ్నే త్వం హోతౄణామ్ అస్య్ ఆయజిష్ఠః || 10-002-01
వేషి హోత్రమ్ ఉత పోత్రం జనానామ్ మన్ధాతాసి ద్రవిణోదా ఋతావా |
స్వాహా వయం కృణవామా హవీంషి దేవో దేవాన్ యజత్వ్ అగ్నిర్ అర్హన్ || 10-002-02
ఆ దేవానామ్ అపి పన్థామ్ అగన్మ యచ్ ఛక్నవామ తద్ అను ప్రవోళ్హుమ్ |
అగ్నిర్ విద్వాన్ స యజాత్ సేద్ ఉ హోతా సో అధ్వరాన్ స ఋతూన్ కల్పయాతి || 10-002-03
యద్ వో వయమ్ ప్రమినామ వ్రతాని విదుషాం దేవా అవిదుష్టరాసః |
అగ్నిష్ టద్ విశ్వమ్ ఆ పృణాతి విద్వాన్ యేభిర్ దేవాఋతుభిః కల్పయాతి || 10-002-04
యత్ పాకత్రా మనసా దీనదక్షా న యజ్ఞస్య మన్వతే మర్త్యాసః |
అగ్నిష్ టద్ ధోతా క్రతువిద్ విజానన్ యజిష్ఠో దేవాఋతుశో యజాతి || 10-002-05
విశ్వేషాం హ్య్ అధ్వరాణామ్ అనీకం చిత్రం కేతుం జనితా త్వా జజాన |
స ఆ యజస్వ నృవతీర్ అను క్షా స్పార్హా ఇషః క్షుమతీర్ విశ్వజన్యాః || 10-002-06
యం త్వా ద్యావాపృథివీ యం త్వాపస్ త్వష్టా యం త్వా సుజనిమా జజాన |
పన్థామ్ అను ప్రవిద్వాన్ పితృయాణం ద్యుమద్ అగ్నే సమిధానో వి భాహి || 10-002-07
