మయోభూర్ వాతో అభి వాతూస్రా ఊర్జస్వతీర్ ఓషధీర్ ఆ రిశన్తామ్ |
పీవస్వతీర్ జీవధన్యాః పిబన్త్వ్ అవసాయ పద్వతే రుద్ర మృళ || 10-169-01
యాః సరూపా విరూపా ఏకరూపా యాసామ్ అగ్నిర్ ఇష్ట్యా నామాని వేద |
యా అఙ్గిరసస్ తపసేహ చక్రుస్ తాభ్యః పర్జన్య మహి శర్మ యచ్ఛ || 10-169-02
యా దేవేషు తన్వమ్ ఐరయన్త యాసాం సోమో విశ్వా రూపాణి వేద |
తా అస్మభ్యమ్ పయసా పిన్వమానాః ప్రజావతీర్ ఇన్ద్ర గోష్ఠే రిరీహి || 10-169-03
ప్రజాపతిర్ మహ్యమ్ ఏతా రరాణో విశ్వైర్ దేవైః పితృభిః సంవిదానః |
శివాః సతీర్ ఉప నో గోష్ఠమ్ ఆకస్ తాసాం వయమ్ ప్రజయా సం సదేమ || 10-169-04