బ్రహ్మణాగ్నిః సంవిదానో రక్షోహా బాధతామ్ ఇతః |
అమీవా యస్ తే గర్భం దుర్ణామా యోనిమ్ ఆశయే || 10-162-01
యస్ తే గర్భమ్ అమీవా దుర్ణామా యోనిమ్ ఆశయే |
అగ్నిష్ టమ్ బ్రహ్మణా సహ నిష్ క్రవ్యాదమ్ అనీనశత్ || 10-162-02
యస్ తే హన్తి పతయన్తం నిషత్స్నుం యః సరీసృపమ్ |
జాతం యస్ తే జిఘాంసతి తమ్ ఇతో నాశయామసి || 10-162-03
యస్ త ఊరూ విహరత్య్ అన్తరా దమ్పతీ శయే |
యోనిం యో అన్తర్ ఆరేళ్హి తమ్ ఇతో నాశయామసి || 10-162-04
యస్ త్వా భ్రాతా పతిర్ భూత్వా జారో భూత్వా నిపద్యతే |
ప్రజాం యస్ తే జిఘాంసతి తమ్ ఇతో నాశయామసి || 10-162-05
యస్ త్వా స్వప్నేన తమసా మోహయిత్వా నిపద్యతే |
ప్రజాం యస్ తే జిఘాంసతి తమ్ ఇతో నాశయామసి || 10-162-06
