తీవ్రస్యాభివయసో అస్య పాహి సర్వరథా వి హరీ ఇహ ముఞ్చ |
ఇన్ద్ర మా త్వా యజమానాసో అన్యే ని రీరమన్ తుభ్యమ్ ఇమే సుతాసః || 10-160-01
తుభ్యం సుతాస్ తుభ్యమ్ ఉ సోత్వాసస్ త్వాం గిరః శ్వాత్ర్యా ఆ హ్వయన్తి |
ఇన్ద్రేదమ్ అద్య సవనం జుషాణో విశ్వస్య విద్వాఇహ పాహి సోమమ్ || 10-160-02
య ఉశతా మనసా సోమమ్ అస్మై సర్వహృదా దేవకామః సునోతి |
న గా ఇన్ద్రస్ తస్య పరా దదాతి ప్రశస్తమ్ ఇచ్ చారుమ్ అస్మై కృణోతి || 10-160-03
అనుస్పష్టో భవత్య్ ఏషో అస్య యో అస్మై రేవాన్ న సునోతి సోమమ్ |
నిర్ అరత్నౌ మఘవా తం దధాతి బ్రహ్మద్విషో హన్త్య్ అనానుదిష్టః || 10-160-04
అశ్వాయన్తో గవ్యన్తో వాజయన్తో హవామహే త్వోపగన్తవా ఉ |
ఆభూషన్తస్ తే సుమతౌ నవాయాం వయమ్ ఇన్ద్ర త్వా శునం హువేమ || 10-160-05
