శ్రత్ తే దధామి ప్రథమాయ మన్యవే ऽహన్ యద్ వృత్రం నర్యం వివేర్ అపః |
ఉభే యత్ త్వా భవతో రోదసీ అను రేజతే శుష్మాత్ పృథివీ చిద్ అద్రివః || 10-147-01
త్వమ్ మాయాభిర్ అనవద్య మాయినం శ్రవస్యతా మనసా వృత్రమ్ అర్దయః |
త్వామ్ ఇన్ నరో వృణతే గవిష్టిషు త్వాం విశ్వాసు హవ్యాస్వ్ ఇష్టిషు || 10-147-02
ఐషు చాకన్ధి పురుహూత సూరిషు వృధాసో యే మఘవన్న్ ఆనశుర్ మఘమ్ |
అర్చన్తి తోకే తనయే పరిష్టిషు మేధసాతా వాజినమ్ అహ్రయే ధనే || 10-147-03
స ఇన్ ను రాయః సుభృతస్య చాకనన్ మదం యో అస్య రంహ్యం చికేతతి |
త్వావృధో మఘవన్ దాశ్వధ్వరో మక్షూ స వాజమ్ భరతే ధనా నృభిః || 10-147-04
త్వం శర్ధాయ మహినా గృణాన ఉరు కృధి మఘవఞ్ ఛగ్ధి రాయః |
త్వం నో మిత్రో వరుణో న మాయీ పిత్వో న దస్మ దయసే విభక్తా || 10-147-05