త్యం చిద్ అత్రిమ్ ఋతజురమ్ అర్థమ్ అశ్వం న యాతవే |
కక్షీవన్తం యదీ పునా రథం న కృణుథో నవమ్ || 10-143-01
త్యం చిద్ అశ్వం న వాజినమ్ అరేణవో యమ్ అత్నత |
దృళ్హం గ్రన్థిం న వి ష్యతమ్ అత్రిం యవిష్ఠమ్ ఆ రజః || 10-143-02
నరా దంసిష్ఠవ్ అత్రయే శుభ్రా సిషాసతం ధియః |
అథా హి వాం దివో నరా పున స్తోమో న విశసే || 10-143-03
చితే తద్ వాం సురాధసా రాతిః సుమతిర్ అశ్వినా |
ఆ యన్ నః సదనే పృథౌ సమనే పర్షథో నరా || 10-143-04
యువమ్ భుజ్యుం సముద్ర ఆ రజసః పార ఈఙ్ఖితమ్ |
యాతమ్ అచ్ఛా పతత్రిభిర్ నాసత్యా సాతయే కృతమ్ || 10-143-05
ఆ వాం సుమ్నైః శంయూ ఇవ మంహిష్ఠా విశ్వవేదసా |
సమ్ అస్మే భూషతం నరోత్సం న పిప్యుషీర్ ఇషః || 10-143-06
