అగ్నే అచ్ఛా వదేహ నః ప్రత్యఙ్ నః సుమనా భవ |
ప్ర నో యచ్ఛ విశస్ పతే ధనదా అసి నస్ త్వమ్ || 10-141-01
ప్ర నో యచ్ఛత్వ్ అర్యమా ప్ర భగః ప్ర బృహస్పతిః |
ప్ర దేవాః ప్రోత సూనృతా రాయో దేవీ దదాతు నః || 10-141-02
సోమం రాజానమ్ అవసే ऽగ్నిం గీర్భిర్ హవామహే |
ఆదిత్యాన్ విష్ణుం సూర్యమ్ బ్రహ్మాణం చ బృహస్పతిమ్ || 10-141-03
ఇన్ద్రవాయూ బృహస్పతిం సుహవేహ హవామహే |
యథా నః సర్వ ఇజ్ జనః సంగత్యాం సుమనా అసత్ || 10-141-04
అర్యమణమ్ బృహస్పతిమ్ ఇన్ద్రం దానాయ చోదయ |
వాతం విష్ణుం సరస్వతీం సవితారం చ వాజినమ్ || 10-141-05
త్వం నో అగ్నే అగ్నిభిర్ బ్రహ్మ యజ్ఞం చ వర్ధయ |
త్వం నో దేవతాతయే రాయో దానాయ చోదయ || 10-141-06
