సూర్యరశ్మిర్ హరికేశః పురస్తాత్ సవితా జ్యోతిర్ ఉద్ అయాఅజస్రమ్ |
తస్య పూషా ప్రసవే యాతి విద్వాన్ సమ్పశ్యన్ విశ్వా భువనాని గోపాః || 10-139-01
నృచక్షా ఏష దివో మధ్య ఆస్త ఆపప్రివాన్ రోదసీ అన్తరిక్షమ్ |
స విశ్వాచీర్ అభి చష్టే ఘృతాచీర్ అన్తరా పూర్వమ్ అపరం చ కేతుమ్ || 10-139-02
రాయో బుధ్నః సంగమనో వసూనాం విశ్వా రూపాభి చష్టే శచీభిః |
దేవ ఇవ సవితా సత్యధర్మేన్ద్రో న తస్థౌ సమరే ధనానామ్ || 10-139-03
విశ్వావసుం సోమ గన్ధర్వమ్ ఆపో దదృశుషీస్ తద్ ఋతేనా వ్య్ ఆయన్ |
తద్ అన్వవైద్ ఇన్ద్రో రారహాణ ఆసామ్ పరి సూర్యస్య పరిధీఅపశ్యత్ || 10-139-04
విశ్వావసుర్ అభి తన్ నో గృణాతు దివ్యో గన్ధర్వో రజసో విమానః |
యద్ వా ఘా సత్యమ్ ఉత యన్ న విద్మ ధియో హిన్వానో ధియ ఇన్ నో అవ్యాః || 10-139-05
సస్నిమ్ అవిన్దచ్ చరణే నదీనామ్ అపావృణోద్ దురో అశ్మవ్రజానామ్ |
ప్రాసాం గన్ధర్వో అమృతాని వోచద్ ఇన్ద్రో దక్షమ్ పరి జానాద్ అహీనామ్ || 10-139-06
