తవ త్య ఇన్ద్ర సఖ్యేషు వహ్నయ ఋతమ్ మన్వానా వ్య్ అదర్దిరుర్ వలమ్ |
యత్రా దశస్యన్న్ ఉషసో రిణన్న్ అపః కుత్సాయ మన్మన్న్ అహ్యశ్ చ దంసయః || 10-138-01
అవాసృజః ప్రస్వః శ్వఞ్చయో గిరీన్ ఉద్ ఆజ ఉస్రా అపిబో మధు ప్రియమ్ |
అవర్ధయో వనినో అస్య దంససా శుశోచ సూర్య ఋతజాతయా గిరా || 10-138-02
వి సూర్యో మధ్యే అముచద్ రథం దివో విదద్ దాసాయ ప్రతిమానమ్ ఆర్యః |
దృళ్హాని పిప్రోర్ అసురస్య మాయిన ఇన్ద్రో వ్య్ ఆస్యచ్ చకృవాఋజిశ్వనా || 10-138-03
అనాధృష్టాని ధృషితో వ్య్ ఆస్యన్ నిధీఅదేవాఅమృణద్ అయాస్యః |
మాసేవ సూర్యో వసు పుర్యమ్ ఆ దదే గృణానః శత్రూఅశృణాద్ విరుక్మతా || 10-138-04
అయుద్ధసేనో విభ్వా విభిన్దతా దాశద్ వృత్రహా తుజ్యాని తేజతే |
ఇన్ద్రస్య వజ్రాద్ అబిభేద్ అభిశ్నథః ప్రాక్రామచ్ ఛున్ధ్యూర్ అజహాద్ ఉషా అనః || 10-138-05
ఏతా త్యా తే శ్రుత్యాని కేవలా యద్ ఏక ఏకమ్ అకృణోర్ అయజ్ఞమ్ |
మాసాం విధానమ్ అదధా అధి ద్యవి త్వయా విభిన్నమ్ భరతి ప్రధిమ్ పితా || 10-138-06
