కేశ్య్ అగ్నిం కేశీ విషం కేశీ బిభర్తి రోదసీ |
కేశీ విశ్వం స్వర్ దృశే కేశీదం జ్యోతిర్ ఉచ్యతే || 10-136-01
మునయో వాతరశనాః పిశఙ్గా వసతే మలా |
వాతస్యాను ధ్రాజిం యన్తి యద్ దేవాసో అవిక్షత || 10-136-02
ఉన్మదితా మౌనేయేన వాతాఆ తస్థిమా వయమ్ |
శరీరేద్ అస్మాకం యూయమ్ మర్తాసో అభి పశ్యథ || 10-136-03
అన్తరిక్షేణ పతతి విశ్వా రూపావచాకశత్ |
మునిర్ దేవస్య-దేవస్య సౌకృత్యాయ సఖా హితః || 10-136-04
వాతస్యాశ్వో వాయోః సఖాథో దేవేషితో మునిః |
ఉభౌ సముద్రావ్ ఆ క్షేతి యశ్ చ పూర్వ ఉతాపరః || 10-136-05
అప్సరసాం గన్ధర్వాణామ్ మృగాణాం చరణే చరన్ |
కేశీ కేతస్య విద్వాన్ సఖా స్వాదుర్ మదిన్తమః || 10-136-06
వాయుర్ అస్మా ఉపామన్థత్ పినష్టి స్మా కునన్నమా |
కేశీ విషస్య పాత్రేణ యద్ రుద్రేణాపిబత్ సహ || 10-136-07
