రాత్రీ వ్య్ అఖ్యద్ ఆయతీ పురుత్రా దేవ్య్ అక్షభిః |
విశ్వా అధి శ్రియో ऽధిత || 10-127-01
ఓర్వ్ అప్రా అమర్త్యా నివతో దేవ్య్ ఉద్వతః |
జ్యోతిషా బాధతే తమః || 10-127-02
నిర్ ఉ స్వసారమ్ అస్కృతోషసం దేవ్య్ ఆయతీ |
అపేద్ ఉ హాసతే తమః || 10-127-03
సా నో అద్య యస్యా వయం ని తే యామన్న్న్ అవిక్ష్మహి |
వృక్షే న వసతిం వయః || 10-127-04
ని గ్రామాసో అవిక్షత ని పద్వన్తో ని పక్షిణః |
ని శ్యేనాసశ్ చిద్ అర్థినః || 10-127-05
యావయా వృక్యం వృకం యవయ స్తేనమ్ ఊర్మ్యే |
అథా నః సుతరా భవ || 10-127-06
ఉప మా పేపిశత్ తమః కృష్ణం వ్యక్తమ్ అస్థిత |
ఉష ఋణేవ యాతయ || 10-127-07
ఉప తే గా ఇవాకరం వృణీష్వ దుహితర్ దివః |
రాత్రి స్తోమం న జిగ్యుషే || 10-127-08
