అహం రుద్రేభిర్ వసుభిశ్ చరామ్య్ అహమ్ ఆదిత్యైర్ ఉత విశ్వదేవైః |
అహమ్ మిత్రావరుణోభా బిభర్మ్య్ అహమ్ ఇన్ద్రాగ్నీ అహమ్ అశ్వినోభా || 10-125-01
అహం సోమమ్ ఆహనసమ్ బిభర్మ్య్ అహం త్వష్టారమ్ ఉత పూషణమ్ భగమ్ |
అహం దధామి ద్రవిణం హవిష్మతే సుప్రావ్యే యజమానాయ సున్వతే || 10-125-02
అహం రాష్ట్రీ సంగమనీ వసూనాం చికితుషీ ప్రథమా యజ్ఞియానామ్ |
తామ్ మా దేవా వ్య్ అదధుః పురుత్రా భూరిష్ఠాత్రామ్ భూర్య్ ఆవేశయన్తీమ్ || 10-125-03
మయా సో అన్నమ్ అత్తి యో విపశ్యతి యః ప్రాణితి య ఈం శృణోత్య్ ఉక్తమ్ |
అమన్తవో మాం త ఉప క్షియన్తి శ్రుధి శ్రుత శ్రద్ధివం తే వదామి || 10-125-04
అహమ్ ఏవ స్వయమ్ ఇదం వదామి జుష్టం దేవేభిర్ ఉత మానుషేభిః |
యం కామయే తం-తమ్ ఉగ్రం కృణోమి తమ్ బ్రహ్మాణం తమ్ ఋషిం తం సుమేధామ్ || 10-125-05
అహం రుద్రాయ ధనుర్ ఆ తనోమి బ్రహ్మద్విషే శరవే హన్తవా ఉ |
అహం జనాయ సమదం కృణోమ్య్ అహం ద్యావాపృథివీ ఆ వివేశ || 10-125-06
అహం సువే పితరమ్ అస్య మూర్ధన్ మమ యోనిర్ అప్స్వ్ అన్తః సముద్రే |
తతో వి తిష్ఠే భువనాను విశ్వోతామూం ద్యాం వర్ష్మణోప స్పృశామి || 10-125-07
అహమ్ ఏవ వాత ఇవ ప్ర వామ్య్ ఆరభమాణా భువనాని విశ్వా |
పరో దివా పర ఏనా పృథివ్యైతావతీ మహినా సమ్ బభూవ || 10-125-08