సమిద్ధో అద్య మనుషో దురోణే దేవో దేవాన్ యజసి జాతవేదః |
ఆ చ వహ మిత్రమహశ్ చికిత్వాన్ త్వం దూతః కవిర్ అసి ప్రచేతాః || 10-110-01
తనూనపాత్ పథ ఋతస్య యానాన్ మధ్వా సమఞ్జన్ స్వదయా సుజిహ్వ |
మన్మాని ధీభిర్ ఉత యజ్ఞమ్ ఋన్ధన్ దేవత్రా చ కృణుహ్య్ అధ్వరం నః || 10-110-02
ఆజుహ్వాన ఈడ్యో వన్ద్యశ్ చా యాహ్య్ అగ్నే వసుభిః సజోషాః |
త్వం దేవానామ్ అసి యహ్వ హోతా స ఏనాన్ యక్షీషితో యజీయాన్ || 10-110-03
ప్రాచీనమ్ బర్హిః ప్రదిశా పృథివ్యా వస్తోర్ అస్యా వృజ్యతే అగ్రే అహ్నామ్ |
వ్య్ ఉ ప్రథతే వితరం వరీయో దేవేభ్యో అదితయే స్యోనమ్ || 10-110-04
వ్యచస్వతీర్ ఉర్వియా వి శ్రయన్తామ్ పతిభ్యో న జనయః శుమ్భమానాః |
దేవీర్ ద్వారో బృహతీర్ విశ్వమిన్వా దేవేభ్యో భవత సుప్రాయణాః || 10-110-05
ఆ సుష్వయన్తీ యజతే ఉపాకే ఉషాసానక్తా సదతాం ని యోనౌ |
దివ్యే యోషణే బృహతీ సురుక్మే అధి శ్రియం శుక్రపిశం దధానే || 10-110-06
దైవ్యా హోతారా ప్రథమా సువాచా మిమానా యజ్ఞమ్ మనుషో యజధ్యై |
ప్రచోదయన్తా విదథేషు కారూ ప్రాచీనం జ్యోతిః ప్రదిశా దిశన్తా || 10-110-07
ఆ నో యజ్ఞమ్ భారతీ తూయమ్ ఏత్వ్ ఇళా మనుష్వద్ ఇహ చేతయన్తీ |
తిస్రో దేవీర్ బర్హిర్ ఏదం స్యోనం సరస్వతీ స్వపసః సదన్తు || 10-110-08
య ఇమే ద్యావాపృథివీ జనిత్రీ రూపైర్ అపింశద్ భువనాని విశ్వా |
తమ్ అద్య హోతర్ ఇషితో యజీయాన్ దేవం త్వష్టారమ్ ఇహ యక్షి విద్వాన్ || 10-110-09
ఉపావసృజ త్మన్యా సమఞ్జన్ దేవానామ్ పాథ ఋతుథా హవీంషి |
వనస్పతిః శమితా దేవో అగ్నిః స్వదన్తు హవ్యమ్ మధునా ఘృతేన || 10-110-10
సద్యో జాతో వ్య్ అమిమీత యజ్ఞమ్ అగ్నిర్ దేవానామ్ అభవత్ పురోగాః |
అస్య హోతుః ప్రదిశ్య్ ఋతస్య వాచి స్వాహాకృతం హవిర్ అదన్తు దేవాః || 10-110-11