తే ऽవదన్ ప్రథమా బ్రహ్మకిల్బిషే ऽకూపారః సలిలో మాతరిశ్వా |
వీళుహరాస్ తప ఉగ్రో మయోభూర్ ఆపో దేవీః ప్రథమజా ఋతేన || 10-109-01
సోమో రాజా ప్రథమో బ్రహ్మజాయామ్ పునః ప్రాయచ్ఛద్ అహృణీయమానః |
అన్వర్తితా వరుణో మిత్ర ఆసీద్ అగ్నిర్ హోతా హస్తగృహ్యా నినాయ || 10-109-02
హస్తేనైవ గ్రాహ్య ఆధిర్ అస్యా బ్రహ్మజాయేయమ్ ఇతి చేద్ అవోచన్ |
న దూతాయ ప్రహ్యే తస్థ ఏషా తథా రాష్ట్రం గుపితం క్షత్రియస్య || 10-109-03
దేవా ఏతస్యామ్ అవదన్త పూర్వే సప్తఋషయస్ తపసే యే నిషేదుః |
భీమా జాయా బ్రాహ్మణస్యోపనీతా దుర్ధాం దధాతి పరమే వ్యోమన్ || 10-109-04
బ్రహ్మచారీ చరతి వేవిషద్ విషః స దేవానామ్ భవత్య్ ఏకమ్ అఙ్గమ్ |
తేన జాయామ్ అన్వ్ అవిన్దద్ బృహస్పతిః సోమేన నీతాం జుహ్వం న దేవాః || 10-109-05
పునర్ వై దేవా అదదుః పునర్ మనుష్యా ఉత |
రాజానః సత్యం కృణ్వానా బ్రహ్మజాయామ్ పునర్ దదుః || 10-109-06
పునర్దాయ బ్రహ్మజాయాం కృత్వీ దేవైర్ నికిల్బిషమ్ |
ఊర్జమ్ పృథివ్యా భక్త్వాయోరుగాయమ్ ఉపాసతే || 10-109-07
