వృషా వృష్ణే దుదుహే దోహసా దివః పయాంసి యహ్వో అదితేర్ అదాభ్యః |
విశ్వం స వేద వరుణో యథా ధియా స యజ్ఞియో యజతు యజ్ఞియాఋతూన్ || 10-011-01
రపద్ గన్ధర్వీర్ అప్యా చ యోషణా నదస్య నాదే పరి పాతు మే మనః |
ఇష్టస్య మధ్యే అదితిర్ ని ధాతు నో భ్రాతా నో జ్యేష్ఠః ప్రథమో వి వోచతి || 10-011-02
సో చిన్ ను భద్రా క్షుమతీ యశస్వత్య్ ఉషా ఉవాస మనవే స్వర్వతీ |
యద్ ఈమ్ ఉశన్తమ్ ఉశతామ్ అను క్రతుమ్ అగ్నిం హోతారం విదథాయ జీజనన్ || 10-011-03
అధ త్యం ద్రప్సం విభ్వం విచక్షణం విర్ ఆభరద్ ఇషితః శ్యేనో అధ్వరే |
యదీ విశో వృణతే దస్మమ్ ఆర్యా అగ్నిం హోతారమ్ అధ ధీర్ అజాయత || 10-011-04
సదాసి రణ్వో యవసేవ పుష్యతే హోత్రాభిర్ అగ్నే మనుషః స్వధ్వరః |
విప్రస్య వా యచ్ ఛశమాన ఉక్థ్యం వాజం ససవాఉపయాసి భూరిభిః || 10-011-05
ఉద్ ఈరయ పితరా జార ఆ భగమ్ ఇయక్షతి హర్యతో హృత్త ఇష్యతి |
వివక్తి వహ్నిః స్వపస్యతే మఖస్ తవిష్యతే అసురో వేపతే మతీ || 10-011-06
యస్ తే అగ్నే సుమతిమ్ మర్తో అక్షత్ సహసః సూనో అతి స ప్ర శృణ్వే |
ఇషం దధానో వహమానో అశ్వైర్ ఆ స ద్యుమాఅమవాన్ భూషతి ద్యూన్ || 10-011-07
యద్ అగ్న ఏషా సమితిర్ భవాతి దేవీ దేవేషు యజతా యజత్ర |
రత్నా చ యద్ విభజాసి స్వధావో భాగం నో అత్ర వసుమన్తం వీతాత్ || 10-011-08
శ్రుధీ నో అగ్నే సదనే సధస్థే యుక్ష్వా రథమ్ అమృతస్య ద్రవిత్నుమ్ |
ఆ నో వహ రోదసీ దేవపుత్రే మాకిర్ దేవానామ్ అప భూర్ ఇహ స్యాః || 10-011-09
