ఈ పుట అచ్చుదిద్దబడ్డది
చి. ఆ .రేకు: 0001-02 బౌళి సం: 10-002
పల్లవి:
గోవింద గోవింద యని కొలువరె
గోవిందా యని కొలువరె
చ. 1:
హరి యచ్యుతా యని యాడరె
పురుషొత్తమా యని పొగడరె
పరమ పురుషా యని పలుకరె
సిరివర యనుచునుఁ జెలఁగరే జనులు
చ. 2:
పాండవ వరద యని పాడరె
అండజ వాహనుఁ గొనియాడరె
కొండలరాయనినే కోరరె
దండితో మాధవునినే తలఁచరె జనులు
చ. 3:
దేవుఁడు శ్రీవిభుఁడని తెలియరె
సోవల ననంతునిఁ జూడరె
శ్రీవేంకటనాధునిఁ చేరరె
పావనమై యెప్పుడును బ్రదుకరే జనులు
