ఈ పుట అచ్చుదిద్దబడ్డది
చి. ఆ. రేకు: 0001-03 దేసాక్షి సం: 10-003
పల్లవి:
ఎన్నటికి నీకు జీవుఁడా యిదియె బుద్ది వోజీవుఁడా
మన్నించిన నీగురువులపాదము మఱవకువో వోయిజీవుఁడా
చ. 1:
మాటచెప్పెఁద జీవుఁడా మారు మాఁటలేటికి జీవుఁడా
నాటకంబుల పంచేంద్రియముల నమ్మకు వో వో జీవుఁడా
చాటితిఁ జుమ్మీ జీవుఁడా నీకుఁజాటువో హరిభక్తి జీవుఁడా
కూటువగూడిన కామక్రోధాదులఁ గూడకువో వోయిజీవుఁడా
చ. 2:
ఎప్పుడు మనసులో జీవుఁడా హరిఁ దప్పక తలఁచవో జీవుఁడా
తప్పుఁదెరువుల దేవతాంతరాలు దడవకువో వోయిజీవుఁడా
దప్పిఁబడనేల జీవుడా నీవు ధన్యుఁడ వవుదు వోజీవుఁడా
చిప్పిలువేడుక శ్రీవెంకటనాథు సేవించవో వోయిజీవుఁడా
