ఈ పుట అచ్చుదిద్దబడ్డది
చి. ఆ. రేకు: 0001-04 గుజ్జరి సం: 10-004
పల్లవి:
మచ్చరములుఁ గపటంబులు మానినంత మరికదా
విచ్చలవిడి నాయాసల వీఁగఁదోల నోపుటా
చ. 1:
చంచలమగు నామనసిది మంచిదైన మరికదా
పంచేంద్రియముల పోరునఁ బడకమానుటా
కొంచెపరచునాకోపముఁ గోసివేసి మరికదా
కంచపుఁ బాపంబులలోఁ గడతేరుటా
చ. 2:
వుడివోని దీపనమున కోరిచినె మరికదా
జడివట్టిన నాజిహ్వచాపల్యము మానుటా
చిడుముడి నాభోగంబులఁ జిక్కువడక మరికదా
విడువని సంసార మనెటివెల్లి దాఁటనోపుటా
చ. 3:
తరితీపులమోహంబునఁ మరికదా
కెరలిన యీలోభంబున గెలువ నోపుటా
నెరవుగ శ్రీవిష్ణుభక్తి నిలుకడైన మరికదా
గరగరికలనె శ్రీవెంకటనాథునిఁ జేరుటా
