ఈ పుట అచ్చుదిద్దబడ్డది
రేకు: 0226-5 మేఁచభౌళి సంపుటం: 08-155
పల్లవి:
నీవారమిన్ని టాను నీకంటెనెక్కుడు లేరు
సేవలు సేసేము నీవు చిత్తగించవయ్యా
చ. 1:
సేసినచేఁతలు నీవే చెల్లఁబెట్టుదువు గాక
యీసరి మానేరుపులు యేమున్నవి
సేసవెట్టి రాజు వలచినదే దేవులందురు
రాసికెక్క నీసొమ్ము రక్షించుకోవయ్యా
చ. 2:
పట్టిన నీపంతమే బలువు సేతువు గాక
యెట్టెన మాగుణములు యేమి చూచేవు
అట్టే పరుసమంటితేనదియే బంగారందురు
పెట్టని చోట్లఁ బెట్టి పెద్ద సెయ్యవయ్యా
చ. 3:
కూడిన నీకూటములె గురులు సేతువు గాక
యీడనే మాయసోదాలేమున్నవి
యేడను శ్రీవెంకటేశ యేలితేనే బంటందురు
పాడేటివారము నిన్ను బత్తిచేకోవయ్యా