ఈ పుట అచ్చుదిద్దబడ్డది
రేకు: 0226-6 ముఖారి సంపుటం: 08-156
పల్లవి:
ఆయలవాటే చూచి అప్పటిమాతో నేఁడు
చాయలనీపనికెంత సాముసేసెనో
చ. 1:
వీడెమియ్యఁగలఁ గాక వీడెమిచ్చే చేతుల
తోడఁ దోడఁ బెనఁగఁగా దొబ్బఁగలనా
వోడక ని నిష్ఠూరానకొడిగట్టే సతులనుఁ
గూడి యేమిసేయించుకొని వచ్చెనో
చ. 2:
మాటలాడఁగలఁ గాక మంచితనమైన నోట
తేటగా నవ్వేటి తన్నుఁ దిట్టఁగలనా
నీటున రాఁగతనాలు నెరుపేటి కాంతలను
పాటించి కలసి యేమి భ్రమసినాఁడో
చ. 3:
కాఁగిలించఁగలఁ గాక కైకొన్న చేతుల గోళ్ళ
చేఁగదేర మొక్కఁగాను చిమ్మఁగలనా
వీఁగక శ్రీవెంకటాద్రి విభుఁడిట్టె నన్నుఁ గూడె
యేఁగి వచ్చి యేయింతులకిట్టె పంతమిచ్చెనో
