ఈ పుట అచ్చుదిద్దబడ్డది
రేకు: 0227-1 నాదరామక్రియ సంపుటం: 08-157
పల్లవి:
ఎప్పుడును నీమనసు యెరఁగని కల్లలేదు
ముప్పిరిగొనేటి యీమోసమేలయ్యా
చ. 1:
వలపులు సరివచ్చె వనిత యిందుకు మెచ్చె
వెలినేల లోనికిఁక విచ్చేయరాదా
యెలమి సరిబేసికి యిదె సుద్ది నిన్నననేల
నిలువు నివ్వెరగులు నీకేలయ్యా
చ. 2:
మాటలు తారుకాణాయ మగువకుఁ బ్రియమాయ
మాటికి నవ్వఁగనేల మన్నించరాదా
తేటలుగా నీనిజాలే తెలిసీఁ జెలులకెల్ల
యీటుతోడి కుచ్చితాలు యిఁకనేలయ్యా
చ. 3:
రతిఁ దమకము నిండె రమణిభాగ్యము పండె
కతలేల పంతములు గైకొనరాదా
యితవై శ్రీవెంకటేశ యింతినిట్టె కూడితివి
మతకరి తరితీపు మరియేలయ్యా
