ఈ పుట అచ్చుదిద్దబడ్డది
రేకు: 0226-4 సౌరాష్ట్రం సంపుటం: 08-154
పల్లవి:
ఏఁటిదో నీచిత్తము నేమెఱఁగమయ్య
వాఁటమైన వెల్లవిరివారమయ్యా
చ. 1:
సిగ్గుపడితిమింతతో సెలవి నీవు నవ్వఁగా
యెగ్గొ తప్పొ యేమంటినో యెరఁగమయ్య
దగ్గరి సేవ సేసితి తగినదొరవు నీవు
నిగ్గులఁ గుచ్చితములు నేరమయ్య
చ. 2:
మోరగందితినింతలో వేఁడుకొనే నిన్నుఁజూచి
మొరఁగులిందేమున్నవో మొక్కేమయ్య
మరినీకు లోనయితి మంచిదేవరవు నీవు
మెరసి నీతోఁ బెనఁగ మేము నేరమయ్య
చ. 3:
చెమరించితివి నీవు చేరి నన్నుఁ గూడఁగాను
తమకమా తడఁబాటో తలఁచమయ్య
అమర శ్రీవెంకటేశ అలమేల్మంగను నేను
అమరిన రతికడ్డమాడమయ్య