ఈ పుట అచ్చుదిద్దబడ్డది
రేకు: 0225-5 ధన్నాశి సంపుటం: 08-149
పల్లవి:
సాము సేతువుగా నీవు సరుస రాముఁడవై
యీమగువనేరువులు యివి చూడరాదా
చ. 1:
బొమ్మల విండ్లచేత పూఁచి చూపుల యమ్ముల
కుమ్మరించి చెలి నీపై గురులేసీని
సమ్మతించి యిరువంక చన్నుల కాంతులు సారెఁ
జిమ్ము పయ్యదలోఁ బుట్ట చెండ్లాడీని
చ. 2:
గక్కన బిసకాండపు కరముల సన్నలను
అక్కజపు నీతోఁ గోలాటమాడీని
చెక్కుచెమట గోరులఁ జిందకుండా మీఁటుచు
చక్కు బుఱ్ఱటకొమ్ములు సాధించీని
చ. 3:
చిగురుమోవిమాటల చేకత్తుల పంతాలఁ
దగిలి నీపైనాపె దండ వెట్టీని
నగుతా శ్రీవెంకటేశ నంటున నీవు గూడితి
అగపడి నీగరిడినన్నిటా మించీని