ఈ పుట అచ్చుదిద్దబడ్డది
రేకు: 0225-6 ఆహిరి సంపుటం: 08-150
పల్లవి:
ఏమయ్య యిందుకు నిన్నే మందును
కామించవలదా కైకొని నీవిపుడు
చ. 1:
గాలించి గాలించి కలికి మాటలాడఁగా
లాలించవలదా లలనఁ గొంత
పోలించి పోలించి పొగడఁగా నప్పటిని
పాలించవలదా పయికొని నీవిపుడు
చ. 2:
సోదించి సోదించి సుద్దుల నిన్ను మెచ్చఁగా
ఆదరించఁగ వద్దా అన్నిటా నీవు
సాదించి సాదించి సరి నీతో నవ్వఁగా
మోదించవలదా మొదల నీవిపుడు
చ. 3:
కరఁగించి కరఁగించి కాఁగిట నిన్నుఁ గూడఁగా
పొరయించవలదా పొందుల నేఁడు
సిరులుమించఁగ మించ శ్రీవెంకటేశుఁడుగూడె
యిరువుకోవలదా యిచ్చకములిపుడు
