ఈ పుట అచ్చుదిద్దబడ్డది
రేకు: 0226-1 మాళవి గౌళ సంపుటం: 08-151
పల్లవి:
మాతోనింకానా మజ్జాతాయను వకు (?)
చేతికి లోనై నమీఁదఁ జెప్పవలెనా
చ. 1:
జంగిలి సతుల నీవు సారెసారె నమ్మించఁగా
అంగడిఁ బడీనవె నీ అన్నమాటలు
యెంగిలిగా నీమోవి యెవ్వరైనాఁ జేయఁగాను
ముంగిట మెరసెను నీముసిముసి నవ్వులు
చ. 2:
చేరి పదారువేలకు సేసలు నీవు వెట్టఁగా
ఆరీతిఁ బడెనవే నీ అన్ని చేఁతలు
కోరికలు మించినట్టి కొలనిసతులచేత
నీరువంక తుంగైనవి నీగుణాలు
చ. 3:
యింపుల రాచకూఁతురునెత్తుక నీవు రాఁగానే
సంపద మించినవి నీచతురతలు
ముంపున శ్రీవెంకటేశ ముందె నన్నుఁ గూడితివి
చెంపల నిలిచెను నీసిగ్గులెల్లాను