ఈ పుట అచ్చుదిద్దబడ్డది
రేకు: 0226-2 భైరవి సంపుటం: 08-152
పల్లవి:
చిత్తము రా సేవలెల్లఁ జేతువుగాక
కొత్తలా మీయిద్దరికిఁ గొంకనేలే యిఁకను
చ. 1:
సెలవి నవ్వునిండితే సిగ్గులేల పెంచేవే
నిలువున నవిరెండు నీవొళ్ళివే
వలుపే పూవఁగాను వాసనలు మానునా
కొలువులో పతితోడఁ గొంకనేలే యిఁకను
చ. 2:
తనువు చెమరించితే తలయాల దాఁచేవే
నినుపుననవి రెండు నీవొళ్ళివే
మనసు గరఁగఁగాను మచ్చికలు మానునా
కొనితెచ్చేవా బుద్ది కొంకనేలే యింకను
చ. 3:
మఱపు పైకొంటేను మాటలేల కొదికేవే
నెఱతనాలవి రెండ నీవొళ్ళివే
చిఱుతల మేలుమంగ శ్రీవెంకటేశుఁడు గూడె
గుఱియైన పనులకు కొంకనేలే యిఁకను