ఈ పుట అచ్చుదిద్దబడ్డది
రేకు: 0222-4 గౌళ సంపుటం: 08-130
పల్లవి:
ఏలయ్య యింతేసి మమ్ము యిటు రట్టుసేసేవు
తాలిమితోడుత నీదయలోనివారము
చ. 1:
కనుఁగొన చపులనే కరఁగించితిననేవు
వినయాలు చెప్పనీకు వింతవారమా
పెనఁగి మోవితేనెల పిలిచి విందువేట్టేవు
వెనకా ముందరా నీకు వినయాలవారమా
చ. 2:
సరుగ మంచముపై నాసలఁ గూచుండుమనేవు
సరుకు రాను నీసరివారమా
యెరవుసేయక మాతో నేకతములాడేవు
అరసి నీకు బుద్దిచెప్పేయంతేసివారమా
చ. 3:
కలసిన రతులెల్లా ఘనముగాఁ బొగడేవు
తొలుతనే నీకంటె దొడ్డవారమా
చెలఁగి శ్రీవేంకటేశ చేకొని కూడితివిట్టే
పొలసిన నీవంటి పోలికలవారమా